【獨家】拍MV搞喊陳凱詠 顧定軒挑戰《全民造星3》

2020-10-13 23:13
新歌《隔離》MV中顧定軒搞喊陳凱詠,現實中兩人以姊弟相稱。
新歌《隔離》MV中顧定軒搞喊陳凱詠,現實中兩人以姊弟相稱。

環球歌手陳凱詠(Jace)繼四台(港台、商台、新城、VIU TV Chill Club) 流行榜冠軍歌《天生二品》後,近日推出第二首派台新歌《隔離》,講述被另一半「隔離」、中斷聯繫的情感,仲搵嚟老友顧定軒拍MV演她的伴侶。剛26歲生日嘅顧定軒事業起飛,眼見Jace唱歌唱得咁過癮,都參加《全民造星3》玩吓,問到係咪踩埋入歌壇,同Jace爭飯食時,他大笑說:「係百花齊放。」採訪:方騫平

新歌《隔離》MV中顧定軒搞喊陳凱詠,現實中兩人以姊弟相稱。
新歌《隔離》MV中顧定軒搞喊陳凱詠,現實中兩人以姊弟相稱。
陳凱詠及顧定軒的事業一齊進步,只要有好機會及成績,就會請對方食飯。
陳凱詠及顧定軒的事業一齊進步,只要有好機會及成績,就會請對方食飯。

陳凱詠自爆拍MV時被顧定軒整喊,好鬼慘:「我哋幾年前喺工作認識,一見如故就熟絡咗,稱兄道弟咁,但未見過佢對我咁冷漠,加上聽住首歌代入歌詞,好多問號兼有憤恨,好可憐,感覺係好複雜,經歷傷心及憤怒嘅真喊。」顧定軒大讚陳凱詠情感好豐富,演戲好專業。
  

顧定軒同陳凱詠好夾,除咗互相欣賞對方真性情外,亦有共同興趣,都係鍾意唱歌及鍾意睇搞笑片《非常小特務》,顧定軒說:「最好將來一齊合作拍一套特務笑片,片中又係姊弟,一齊去冒險,應該開心好玩。」提到《麥路人》,陳凱詠表示一定會捧顧定軒場,軒仔話:「拍呢套戲認識咗好多人,令我成長咗好多,教我去愛,珍惜身邊人。」Jace見證老友拍片過程:「最難忘佢嗰時好有壓力,好忙,因為好專注工作個人都瘦咗,冇平時咁開朗,所以我一直唔敢打擾佢。」軒仔坦承:「未試過每日同資深演員合作,同埋對我嚟講係個重要角色,希望觀眾睇到好唔同嘅自己。」

顧定軒刻意迴避Jace目光,搞到Jace受冷落爆喊。
顧定軒刻意迴避Jace目光,搞到Jace受冷落爆喊。
顧定軒同女神蘇皓兒(Chloe) 所拍劇集《那些我愛過的人》大受歡迎。
顧定軒同女神蘇皓兒(Chloe) 所拍劇集《那些我愛過的人》大受歡迎。

至於參加《全民造星3》,陳凱詠對他好有信心,只希望他能好好enjoy過程玩得開心!儘量放鬆休息多啲!問她可擔心會爭飯食?陳凱詠即否定說:「邊有得爭,一個男一個女,碗飯一齊食好過!」顧定軒同意:「係百花齊放嘛,我本身鍾意音樂,唱歌真係要睇緣份囉,要一步步,希望嚟緊真係有音樂。」

《麥路人》中,前輩郭富城帶住顧定軒投入角色。
《麥路人》中,前輩郭富城帶住顧定軒投入角色。
之前跟鄧麗欣及陳卓賢合拍ViuTV劇《男排女將》。
之前跟鄧麗欣及陳卓賢合拍ViuTV劇《男排女將》。
MV中兩人演情侶,不過冇Kiss場口。
MV中兩人演情侶,不過冇Kiss場口。
入行8年的顧定軒,選擇參加《全民造星3》,努力爭取更多元化的機會。
入行8年的顧定軒,選擇參加《全民造星3》,努力爭取更多元化的機會。

最新回應

關鍵字

相關新聞

熱門文章