相隔10年轉模式合作　馬天佑邀關心妍翻唱《優先訂座》

2020-10-13 10:00

馬天佑（Mayao）為一系列翻唱歌推出「0號實驗室」企劃，每首選中的心水歌都是以全新編曲製作。今次來到第六個作品，他找來原唱關心妍（Jade）的《優先訂座》一齊試「新裝」！

Mayao跟Jade早在10年前已經認識，當時馬佑以造型師身份合作，參與Jade三張唱片和兩個演唱會造型設計，反而合唱歌曲是他們的第一次，所以合作《優先訂座》非常有新鮮感。Mayao說：「《優先訂座》一曲對我的印象很深刻，尤其是MV中關心妍用保鮮紙包起男伴，這畫面總是常常浮現在我的腦海。對我來說這就是另一個關心妍— 一個大家所不認識、非常黑暗、有濃厚神秘感的一顆玉石。」

Jade對於這次的合作也覺很有新鮮感，「馬佑問我有冇興趣參與呢個project嘅時候，我好快就答應咗。因為佢永遠都可以將天馬行空嘅idea，拉到落地球，再活活呈現出來。回想起呢一首歌差不多有17年，但第一次馬佑share佢嘅重新編曲畀我聽嘅時侯，真係好驚喜，好似一首新歌咁，但聽落去有保留到原曲嘅精粹，估唔到我首歌可以包re-packing得咁特別。」