患癌妻肝酵素偏高致水腫　林子博透露Shirley周四再入院

前TVB主播林子博的太太董燕君（Shirley）去年確診罕見癌症「平滑肌肉瘤（腹腔）」，早前子博在網上募款，讓太太可接受昂貴的「幹細胞治療」，幸獲得不少善心人幫助，Shirley於上周二（6日）打了第一針治療。對於Shirley的狀況，子博今日接受電話訪問時，透露太太本身的肝功能不太好，因肝酵素偏高引致腳、腹部水腫，故醫生建議Shirley再入瑪麗醫院打蛋白針，他續道：「本來『幹細胞治療』仲有最後兩針未打，一針應該上星期日打，另一針就今日打。但太太問醫生：『下星期入院得唔得？仲有兩針打埋先入院啦！』醫生就安排佢星期四（15日）入院。由於太太身體蛋白營養不夠，要打番蛋白針改善水腫情況，所以完成『幹細胞治療』先入院打蛋白針。」

此外，正為香港開電視減肥真人騷《大叔要變身》演出的子博，剛才又於社交網貼出發福前後對比照，並Sweet爆留言：「太太因為全身皮膚乾燥爆坼，所以最近我每日都會keep住幫佢搽潤膚膏，今晚閂埋房門幫老婆搽cream，搽完對腳之後.....　我：老婆，你『𢲡』高件衫～畀我幫你搽身吖！　太太：老公～唔使喇！我自己嚟啦！　我：點解呀？　太太：我而家身型好肉酸，唔想俾你見到呀！　我：吓？近年我呢副慘不忍睹嘅身型，你都冇嫌棄過......我不知幾幸福啦！（老婆～妳放心！我一定會減肥成功，返去當年溝妳嗰陣嘅身型，我哋再影婚紗相。我哋一齊加油！）」一眾網民亦紛紛留言為兩人打氣。