《古魯家族2：霸器新時代》 古魯一家勇闖新世界被挑機
2020-10-13 21:15 
夢工場製作，《史力加》及《荒失失奇兵》爆笑班底在7年前炮製《古魯家族》，當年全球狂收75億港幣，更獲提名奧斯卡最佳動畫。2020年聖誕，更開心更過癮嘅續集《古魯家族2：霸器新時代》（THE CROODS： A NEW AGE） ，千呼萬喚下再次「喜」勢出動！
上回講到古魯一家六口，從隱居洞穴到見證大世界嘅生活鉅變，最終明白到一家人齊上齊落先係最重要。今集一家人豁出去同舊世界講拜拜，離開洞穴先發現，一直認知嘅未來早已唔同晒！佢哋認識「高汁家族」做咗好朋友，但受到「霸器家族」最強挑機，日日精彩鑊鑊新鮮；眾人明白到，改朝換代嘅新世紀即將來臨，唔肯變，就好易係咁先！
續集繼續有尼古拉斯基治、愛瑪史東、賴恩雷諾士、嘉芙蓮堅娜、卡拉杜克啜核聲演，更加入《權力遊戲》的彼德丁拉奇及《小三大聯盟》莉絲里曼恩，今個聖誕將會成為觀眾驚喜萬分、口碑滿瀉嘅喜劇盛事。電影將於12月24日上映。
關鍵字
最新回應