唔想做人冇靈魂 《爆機自由仁》賴恩雷諾士教你如何改變世界

一開口笑死人嘅《死侍》(Deadpool) 系列賴恩雷諾士 (Ryan Reynold) 終於有新作面世！《爆機自由仁》由《怪奇物語》監製、《翻生侏羅館》系列導演桑里維 (Shawn Levy) 繼續玩轉抵死人氣題材，今次跳出博物館，進入無邊際的電腦遊戲大世界。

賴恩雷諾士 飾演電腦遊戲「自由城市」中的銀行職員阿仁，日復日過住刻板又重複的生活，其實呢個世界好多人都係咁。有一日，阿仁突然發現自己竟然係一個遊戲角色，不過阿仁冇認命，決定要不惜一切扭轉命運 ！在虛擬人物Molotov Girl的協助下，由閒角「任何仁」變身「爆機自由仁」，拯救面臨摺埋的電腦遊戲！

從最新曝光預告可見，阿仁唔想做一個冇靈魂嘅人，唔想日日做同一樣嘢，同保安老友狂呻，然後遇到Molotov Girl，由互相唔妥到慢慢撻着，男方想改變現狀，女方告知兩日後遊戲就會收皮，暗示你做乜都冇用，認命啦，但好一個阿仁冇放棄，更聯同一眾遊戲閒色起義，「我們可以改變世界，但必須一起反抗」好熱血，好想睇呀。