一歲半大仔返Playgroup 陳凱琳又開心又激動又擔心
2020-10-09 15:40 
因為疫情影響，學生好耐都冇得返學校上堂，日前學生哥終於可以返學見吓啲同學仔，好多星媽都影低仔女返學校嘅相。陳凱琳(Grace)家有兩個仔，一個係歲半嘅鄭承悅（Rafael）一個係兩個幾月嘅鄭承亮（Yannick），前者雖然得歲半但都已經要返學前班，靚媽影低囝囝返Playgroup嘅相，見到戴住口罩嘅Rafael坐喺玩具車上好開心，睇對腰果眼仔就知佢笑緊，之後又好開心咁玩推車仔，人生第一次返學返得好愉快。
不過鄭太就好感懷，佢喺IG留言話最近見到好多人分享小朋友返學校嘅相，佢好肯定大家同佢一樣，覺到又激動又擔心又開心，不過當見到自己仔女學習新事物嘅時候笑得好開心，見證到佢哋成長，又會不由自主地覺得自豪，但同時又覺得時間過得太快，佢好期待將來有咩事會發生喺囝囝身上。
關鍵字
最新回應