單文柔搶先洩露 陳凱琳正式公佈再佗男B：期待細佬來臨

29歲的陳凱琳（Grace），去年為老公鄭嘉穎誕下兒子鄭承悅（Rafael），今年5月宣佈再度有喜，兩年抱兩。她日前出席活動時表示，將在產前派對公佈BB性別；有份出席派對的好友單文柔，昨日急不及待在ig story上載派對短片及照片分享喜悅，留言︰「期待baby 2 coming。」短片正是穿上黃色襯黑波點裙的Grace拮穿黑色氣球後，飄出粉藍色氣球，正式宣佈今胎也是佗B仔。雖然Grace亦在單文柔發文下留言多謝她出席，但其中一位友人則留言提醒「鵬嫂」單文柔應該待鄭太Grace自行宣佈，指她實在太心急，被對方的粉絲投訴了。單文柔隨即回覆道歉：「So sorry」，自言未有注意到。

當事人Grace今早才貼上多張以小蜜蜂為主題的派對開心照，留言：「估唔到咁快再一次搞Baby Shower！除咗用『超級感恩』去表達我對所有朋友嘅來臨，幫忙，愛心，關懷⋯等等等等，都唔知講咩好❤️😭I really love you guys!」逐一點名謝計設及安排派對事宜的好朋友後，Grace正式公佈：「再一次多謝大家陪我玩咗一個下晝！一齊用一個咁好玩又咁有意義嘅方法同大家公布：『It’s a Boy!』我同老公都好期待細佬嘅來臨～最緊要健健康康～好似哥哥咁人見人愛！哈哈」。