拍《兒科醫生》勁開心　鍾嘉欣讚完馬國明再冧鄭嘉穎

鍾嘉欣似乎拍新劇《兒科醫生》真係拍得好開心，繼之前狂讚拍檔馬國明，仲封佢做埋偶像後，呢日又再公開向拍檔鄭嘉穎「示愛」。不過佢貼出嘅相，嘉穎一改平日靚仔有型嘅作風，竟然勁誇張咁喺度大笑，難怪嘉欣留言話：「原來我的拍檔是傻的，但是...我鍾意。越來越鍾意！」既然拍檔之間咁好感情，相信拍攝出嚟效果應該唔會太差。