星島日報

【獨家】輕鬆解說抄歌疑雲 吳業坤想教港姐冠軍唱歌

2020-09-16 00:33
有眼光又唱得嘅坤哥,加入新唱片公司後即火速推出新歌《原始心態》。
有眼光又唱得嘅坤哥,加入新唱片公司後即火速推出新歌《原始心態》。

吳業坤閱女確有眼光,謝嘉怡(Lisa)還未當選港姐冠軍前,坤哥經已喺港姐直播節目中跟Lisa齊齊「食好西」,心心眼幫女方剝蝦,仲交換埋社交網聯絡!當Lisa摘下后冠後,坤哥即喺社交網貼上二人合照「叨光」,問到為何對Lisa情有獨鍾?他即說:「佢好有潛質,見佢唱歌咁好,反而想教吓佢唱歌同埋廣東話發音同咬字,呢方面我都有經驗。」採訪:方騫平 服裝::The Kooples 髲型::Ken [email protected] cornerK11artmall 化妝::Marie Lime (Auntie Lime Make Up)



有眼光又唱得嘅坤哥,加入新唱片公司後即火速推出新歌《原始心態》。
有眼光又唱得嘅坤哥,加入新唱片公司後即火速推出新歌《原始心態》。
緋聞多多嘅坤哥閱女無數,他早已慧眼睇中謝嘉怡有冠軍相。
緋聞多多嘅坤哥閱女無數,他早已慧眼睇中謝嘉怡有冠軍相。

內文字數933吳業坤今年初轉投新唱片公司Sunny Idea,火速成為新寵推出新歌《原始心態》,唱出目前嘅心境:「就算喺出面做嘢大風大雨,只要回到初心,好多事情經已唔再重要,唔好畀之前發生嘅批評、負評嘢影響到繼續向前行。」他坦言,最介意年前勁傳緋聞:「前幾年經歷過大起大跌,因為唔識處理,有迷茫,好攰。直至去年工作少咗,慢慢去適應同消化,真係停低諗吓條路點行,沉澱咗一年先展開新旅程。」





坤哥唔想再被批評,他希望回歸初心,以音樂會友。
坤哥唔想再被批評,他希望回歸初心,以音樂會友。
吳業坤新歌《原始心態》係講每個人心入面都有值得珍惜嘅原始生態,就算出面大風大雨,只要回歸叉電,又可重新出發。
吳業坤新歌《原始心態》係講每個人心入面都有值得珍惜嘅原始生態,就算出面大風大雨,只要回歸叉電,又可重新出發。

流行曲一定有相似
對於樂隊Mr.主音布志綸(Alan)喺社交網兩度貼文,指發現某歌手的新作旋律與Mr.代表作《森林》極為相似,即掀起抄歌風波,嫌疑人坤哥四両撥千斤輕鬆解畫:「其實4個chord可以唱晒全世界嘅歌,流行曲嘅感覺一定有相似嘅地方,所以唔可以斷章取義,佢(Alan)又冇開名話係邊個,只係大家聯想啫,講者無心,聽者有意,周邊人反應大咗,事實上佢由始至終冇講個抄呢個字,Alan只係開出一條命題,話可以將原首《森林》代入去某首新作度唱,係一個有趣嘅說法。」問他可有聽過《森林》?他即說:「我讀緊書時有聽過,夾band時都會夾,呢首都係好歌。」轉新公司後,坤哥想回歸最初,由零開始,希望試多啲新嘢,而他與姜麗文、Cousin Fung及日本歌手山元聰,翻唱經典日劇《悠長假期》主題曲《La La La Love Song》,網上有過百萬點擊率,令他大感意外。

樂隊Mr.主音布志綸在社交網兩度貼文,指某歌手的新作旋律與Mr.代表作《森林》極為相似,直言:「個音樂底我可以原隻全首《森林》唱入去!」網民推測他所指的是坤哥新歌《原始心態》。
樂隊Mr.主音布志綸在社交網兩度貼文,指某歌手的新作旋律與Mr.代表作《森林》極為相似,直言:「個音樂底我可以原隻全首《森林》唱入去!」網民推測他所指的是坤哥新歌《原始心態》。
坤哥最新變咗貓奴,屋企除咗虎紋貓女Rabu外,仲有新養嘅白貓Raki。
坤哥最新變咗貓奴,屋企除咗虎紋貓女Rabu外,仲有新養嘅白貓Raki。
坤哥近月跟姜麗文、日本歌手山元聰等合唱經典日劇《悠長假期》主題曲《La La La Love Song》。
坤哥近月跟姜麗文、日本歌手山元聰等合唱經典日劇《悠長假期》主題曲《La La La Love Song》。

最新回應

關鍵字

相關新聞

熱門文章