【独家】轻松解说抄歌疑云 吴业坤想教港姐冠军唱歌
2020-09-16 00:33 
吴业坤阅女确有眼光，谢嘉怡（Lisa）还未当选港姐冠军前，坤哥经已喺港姐直播节目中跟Lisa齐齐「食好西」，心心眼帮女方剥虾，仲交换埋社交网联络！当Lisa摘下后冠后，坤哥即喺社交网贴上二人合照「叨光」，问到为何对Lisa情有独锺？他即说：「佢好有潜质，见佢唱歌咁好，反而想教吓佢唱歌同埋广东话发音同咬字，呢方面我都有经验。」采访：方骞平 服装:：The Kooples 髲型:：Ken Yong@Hair cornerK11artmall 化妆:：Marie Lime (Auntie Lime Make Up)
内文字数933吴业坤今年初转投新唱片公司Sunny Idea，火速成为新宠推出新歌《原始心态》，唱出目前嘅心境：「就算喺出面做嘢大风大雨，只要回到初心，好多事情经已唔再重要，唔好畀之前发生嘅批评、负评嘢影响到继续向前行。」他坦言，最介意年前劲传绯闻：「前几年经历过大起大跌，因为唔识处理，有迷茫，好攰。直至去年工作少咗，慢慢去适应同消化，真系停低谂吓条路点行，沉淀咗一年先展开新旅程。」
流行曲一定有相似
对于乐队Mr.主音布志纶（Alan）喺社交网两度贴文，指发现某歌手的新作旋律与Mr.代表作《森林》极为相似，即掀起抄歌风波，嫌疑人坤哥四両拨千斤轻松解画：「其实4个chord可以唱晒全世界嘅歌，流行曲嘅感觉一定有相似嘅地方，所以唔可以断章取义，佢(Alan)又冇开名话系边个，只系大家联想啫，讲者无心，听者有意，周边人反应大咗，事实上佢由始至终冇讲个抄呢个字，Alan只系开出一条命题，话可以将原首《森林》代入去某首新作度唱，系一个有趣嘅说法。」问他可有听过《森林》？他即说：「我读紧书时有听过，夹band时都会夹，呢首都系好歌。」转新公司后，坤哥想回归最初，由零开始，希望试多啲新嘢，而他与姜丽文、Cousin Fung及日本歌手山元聪，翻唱经典日剧《悠长假期》主题曲《La La La Love Song》，网上有过百万点击率，令他大感意外。
最新回应