高齡誕B女劉璇公開囡囡得意瞓覺樣

2020-09-15 15:20

11年，前奧運體操冠軍，41歲的劉璇與單簧管演奏家及中央音樂學院副教授王弢結婚，婚後育有一名5歲兒子，上月10日再誕下女兒，成功湊成「好」字亦趕及一家四口慶祝劉璇的41歲生日，B女的出世絕對是劉璇最好的生日禮物。

日前，劉璇在社交網公開大肚照，穿運動型Bra Top的她，挺着巨肚玩瑜伽，見她在草地上做出倒立及倒立一字馬等高難度動作，柔軟度跟當年參加比賽無異，睇見都有啲牙煙，而快5歲的大仔王企韜就親吻媽媽的巨肚，隔住肚皮錫錫妹妹，超溫馨的畫面。

因為高齡懷孕，所以劉璇懷第二胎好低調，她亦曾表示在疫情下懷孕心情受到影響，臨盆前亦忍不住訴苦說肚子長滿紅疹，奇癢無比，更抓到皮膚滲血。她形容懷第二胎的過程似打怪獸，辛苦但美好。

而今日劉璇終上載B女相及家庭照，靚媽抱住瞓得好冧嘅B女非常滿足，做咗哥哥嘅王企韜亦望住妹妹感覺好奇，當然仲有一家之主王弢，一家四口好Warm呀。