陪G奶新歡睇醫生惹大肚疑雲　鄧兆尊：我唔會畀意外發生

2020-09-15 19:30

現年53歲的鄧兆尊今年3月自爆跟「骨妹三奶」Claire分手後，火速撻着細10多年的「G奶中女」陳小姐，繼續左擁右抱「大婆」Carmen、「二奶」Cherry和新歡，盡享齊人之福。上月底2人限聚令仍生效期間，《頭條日報》仲影到兆尊趁疫情緩和，選擇帶埋得寵的陳小姐落銅鑼灣行街，其間他更為對方「破戒」當街翹手，又情不自禁摸新女友Pat pat！不過，勢估唔到加埋近百歲、打得火熱的兩人感情一日千里，今日有報道指，有人目擊兆尊昨晚陪同陳小姐去養和醫院，仲對女友照顧有加，因而傳出陳小姐懷孕的消息！