星島日報

【獨家】初入行要食藥減壓 朱紫嬈入行十年睇化晒

2020-09-14 23:30
轉眼朱紫嬈入行十周年,時間磨練到她變得更堅強。
轉眼朱紫嬈入行十周年,時間磨練到她變得更堅強。

相隔4年,朱紫嬈(Khloe)自資推出新歌《花.醉》作為入行10周年禮物。日前下午朱紫嬈還為「頭條娛樂fb專頁」開Live現場演繹,靚聲令網民激讚,連Kellyjackie都入嚟做埋聽眾,仲承諾會接力做直播,唱靚歌畀《頭條日報》讀者聽。對於轉眼對於轉眼入行10周年,朱紫嬈形容歲月催人老,𠵱家喺生活同工作上都睇化晒,唯獨對音樂熱誠不變。採訪:方騫平 攝影:李維隆 場地及直播技術:啟斯音樂@AbsoluteMusicLimited 樂手:Chris Mak,Brian Chan 髮型:Terrence Chan @HAiR

轉眼朱紫嬈入行十周年,時間磨練到她變得更堅強。
轉眼朱紫嬈入行十周年,時間磨練到她變得更堅強。
日前下午,朱紫嬈為「頭條娛樂fb專頁」開Live現場演繹新歌《花.醉》。
日前下午,朱紫嬈為「頭條娛樂fb專頁」開Live現場演繹新歌《花.醉》。

雖然疫情下少咗收入,但朱紫嬈依然揼本落去做新歌,而《花.醉》係唱出入行10年嘅心聲:「10年時間真係唔短,當日好多親密戰友都各散東西,好似鄧芷茵、吳彤、韋雄、鄭家維咁,唔係移民就成家立室離開咗歌壇,如果唔係鍾意音樂嘅心永遠喺度,真係好難捱到今時今日。」

新歌《花.醉》碌咗唔少人情卡,喺疫情下減輕好多成本。
新歌《花.醉》碌咗唔少人情卡,喺疫情下減輕好多成本。
10年前,鄧建明出席金牌大風新人朱紫嬈首張EP《Love Expression》發佈會。
10年前,鄧建明出席金牌大風新人朱紫嬈首張EP《Love Expression》發佈會。

長期失眠未有改善
朱紫嬈自爆長期失眠,至今狀況未有改善,只係比以前冇咁緊張:「初入行時負能量好重,工作同感情方面好易令自己唔開心,而且去到病態地步,試過要睇醫生,食藥嚟放鬆自己,好彩𠵱家睇化咗,雖然仲有失眠,但都叫可以Keep到情緒,𠵱家咪做啲自己想做嘅嘢,鍾意做嘅嘢囉!好似呢首歌咁,我有出少少錢,多有多使,少有少使啫,咪揼吓朋友心口嚟減少成本囉!」原本朱紫嬈打算今年5月舉行十周年演唱會,不過受疫情影響,演出不斷押後,可能要延至明年舉行。她坦言為咗生活,年前開始同朋友合資搞泰國地產生意,她邊學邊做,又拍吓劇集,謀求更多出路。

當年由已故音樂人黎小田帶她入行。
當年由已故音樂人黎小田帶她入行。
朱紫嬈同糖妹同時間出道,但至今糖妹依然童顏。
朱紫嬈同糖妹同時間出道,但至今糖妹依然童顏。

最新回應

關鍵字

熱門文章