為火燒華裔老婦事感忿怒 吳彥祖見到火雞即下火

之前，在美國發展的藝人吳彥祖(Daniel)懸紅15,000美元（約11.6萬港元）緝拿兩名在紐約向一位90歲華裔老婦掌摑及點火襲擊的兇徒。日前美國警方終於破案，將嫌疑犯拘捕。Daniel在IG透露兩名13歲男孩被控3級攻擊罪，但佢對呢條控罪有保留：「我認為用火燒人係故意嘅，雖然兩人已被捕，但反亞洲仇恨犯罪仍然存在。」

因為華裔老婦事件，吳彥祖心情麻麻，好彩佢屋企附近有火雞，呢啲火雞喺佢住嘅小區出沒，Daniel話:「雖然瘋狂嘅事不斷發生，但見親呢啲社區火雞都忍唔住笑。」笑吓咪好囉。