星島日報

【獨家】睇《過街英雄》動作戲就被踢 譚凱琪估BB性格活潑好動

2020-09-10 23:00
譚凱琪每晚睇《過街英雄》動作戲BB就會踢她,所以她估計BB性格活潑好動。
譚凱琪每晚睇《過街英雄》動作戲BB就會踢她,所以她估計BB性格活潑好動。

譚凱琪(Zoie)最近在劇集《過街英雄》飾演森美的女神、畫家「Nadia」,由於她6月宣佈有喜,在疫情下只可接受電話訪問宣傳該劇。她表示預計BB年底出世,遲些才會公佈性別。她坦承最初陀B頗辛苦,胃口差兼瞓不到,現在情況有所改善,更相信BB性格較活潑,因她每晚追看《過街》時,見到動作戲都會踢她,相當搞笑。採訪:杜淑霞 攝影:ctkkit 形象:Jacky & Jenny & The Styling Concepts 化妝:Aiko Tsang 服飾:Tory Burch、The Styling Concepts

譚凱琪每晚睇《過街英雄》動作戲BB就會踢她,所以她估計BB性格活潑好動。
譚凱琪每晚睇《過街英雄》動作戲BB就會踢她,所以她估計BB性格活潑好動。
Zoie謂現在待產心情既興奮又緊張,好期待跟BB見面。
Zoie謂現在待產心情既興奮又緊張,好期待跟BB見面。




疫情關係Zoie除了產檢或者購買BB用品外,都好少出街,「冇乜必要都唔出,始終會擔心啲,𠵱家連老公收工返屋企,我都會將佢全身噴晒消毒用品,先可以入屋同掂我。」由於疫情反覆,為安全計她已決定開刀生產,「開刀好多嘢都可以早啲安排,少啲風險大家都會安心啲,始終唔知疫情會有咩變化。」

6月,Zoie在老公莊日宇(Enrico)陪伴下去做產檢。
6月,Zoie在老公莊日宇(Enrico)陪伴下去做產檢。
Zoie跟森美和黃翠如合作《過街英雄》相當開心,但最難是要男仔頭的她扮「女神」角色。
Zoie跟森美和黃翠如合作《過街英雄》相當開心,但最難是要男仔頭的她扮「女神」角色。




Zoie坦言可能頭一胎,陀B特別辛苦,特別是初期,「開頭真係冇乜胃口,同埋瞓一陣就醒,最多瞓到三、四個鐘就醒,不過𠵱家情況好咗好多,但磅數唔算增加咗好多,只係肥咗10幾磅,所以我郁動都仲幾靈活,有時都唔覺得自己有咗。」她認為能夠長胎唔長肉,可能跟一日三餐親自下廚食得健康有關,「𠵱家我三餐都係自己煮,都會食好多有營養嘅食物,譬如有雞蛋、奶、黑芝麻同蔬菜。」



由於不能親自協助宣傳,Zoie每晚會坐定定追睇來支持《過街》,不過竟然肚內BB比她更興奮,「我𠵱家每晚都唔會miss《過街英雄》任何一段,但係每次睇親啲動作場面,BB就會踢我,好似睇得好緊張咁,可能佢都係個活潑好動嘅小朋友嚟,仲有我瞓低佢都鍾意踢我,感覺真係幾得意㗎!」講到生B後何時復出,Zoie認為要睇自己及BB身體狀況決定,「雖然請咗陪月同家傭幫手,但都要睇身體狀況同埋疫情,不過我好鍾意演戲,老公亦好支持我工作,所以一定會再拍劇。」

Zoie早前晒大肚相公佈喜訊,她打算肚最大時會再影多輯,但一切要視乎疫情。
Zoie早前晒大肚相公佈喜訊,她打算肚最大時會再影多輯,但一切要視乎疫情。
雖然疫情下Zoie要留在家安胎,但一樣有勤做運動。
雖然疫情下Zoie要留在家安胎,但一樣有勤做運動。
7月,陳凱琳舉行產前派對,大住肚的Zoie亦有現身。
7月,陳凱琳舉行產前派對,大住肚的Zoie亦有現身。

最新回應

關鍵字

相關新聞

熱門文章