【扮晒辛苦】榮升姨姨勁興奮　JW享受為家姐姨甥仔做阿四

JW（王灝兒）最近有喜事發生，講嘅唔係佢同拍拖多時嘅男友Tarzan準備結婚，而係向來同JW感情好好嘅律師家姐CW（Cindy Wong），喺9月2日為外籍老公Paul誕下B仔「Amias Nolan」，令JW榮升姨姨。繼早兩日親自餵姨甥仔食奶，JW今日更做埋阿四，她貼出拖住大篋又孭大個袋嘅相，仲留言：「姨姨嘅作用：幫手攞嘢，揸車買嘢，做阿四」表面睇好似幾辛苦，但睇見JW個樣咁鬼興奮，加埋佢扮晒呻辛苦嘅留言，就知佢其實係享受多過不滿啦！