為每朝chok住起身解畫古天樂大搞爛gag：想chok泥鯭

2020-09-11 13:18

古天樂昨晚為代言咗十年的護膚品牌進行網上直播約會，分享keep fit貼士，和網民互動，他表示做運動和飲食清淡。主持的楊洛婷追問他會否空肚食早餐？古仔風趣笑說不吃早餐，會空肚飲咖啡。

之前他拍廣告時，chok住分享他每天醒來後必做的4件事，包括伸個超級大懶腰、沖一杯「回魂啡」來飲、舉啞鈴及拉筋，網民問他為何一早起來便那麼chok？懶幽默的古仔又大搞爛gag說：「我起身係想chok泥鯭，夜晚chok墨魚...每天起身跟自己說精神奕奕同埋充滿能量，就會更好。」

楊洛婷發現古仔身上戴蜜蜂心口針，取笑他變身bee，古仔又再搞笑話：「我似小蜜蜂，嗡嗡嗡…呢個品牌做咗十年蜜蜂保育工作，可能品牌都想保育我！」古仔不停講笑，心情大靚。