森美冇嘢做隨時生多個 黃翠如同蕭正楠輪住拍劇難造人

森美、黃翠如、江嘉敏、盧宛茵、張國強等宣傳下周一開播的無綫劇集《過街英雄》，劇集早於兩年多前拍攝，亦於去年馬來西亞播放完畢。森美跟翠如強調這是一部真人版卡通片，目標是吸納小朋友為觀眾群。翠如特別提到劇中角色，是不會演戲又偏偏愛演戲的，她笑說：「如果大家覺得角色唔識演戲，就即係演得好喇！」
森美坦言因疫情關係沒有太多工作，今日出席宣傳活動才發覺有工作是多可貴。他笑指沒有工作很多時整天於家中玩手機，很容易會多生一個小朋友。問到翠如可有同樣煩惱？她笑說：「我仲拍緊《七公主》，應該我拍完佢（蕭正楠）就開始拍《飛虎》（《飛虎3壯志英雄》）。」問到可有「造人」計劃？她說：「如果我喺放假嗰兩年半結咗婚，我相信我已經生咗。」