【獨家】為《頭條娛樂》開Live勁受歡迎 鄧建明雷有輝最想Beyond合體

2020-09-03 20:00

太極樂隊主音雷有輝(Patrick)入行40年,創作同演繹過好多經典好歌。上周五晚他跟隊友Joey Tang(鄧建明)一齊喺《頭條娛樂》Facebook專頁開Live,兩人大唱膾炙人口嘅經典好歌《紅色跑車》及《留住我吧》等,截至周三下午瀏覽人次超越5萬6,勁受網民歡迎,兩人唱足個半鐘,開心到唔捨得走,大呼過癮,承諾陸續有好嘢送畀《頭條娛樂》讀者。採訪:方騫平 攝影:李維隆 場地:奇納百川@海港城LCX35號鋪

鄧建明及雷有輝最想Beyond合體。
鄧建明及雷有輝最想Beyond合體。
鄧建明及雷有輝最想Beyond合體。
鄧建明及雷有輝最想Beyond合體。

因為受新冠肺炎第三波影響,《PAT Music Over Rainbow 雷有輝音樂會》被迫延期至2020年10月10至11日舉行,當晚開Live視作Show前熱身,雷有輝形容狀態大勇,早已裝備好自己,眼見fans相當期待,只想盡快啟動。好有義氣嘅Joey早已mark定期畀Patrick做Band leader,齊齊拍住上。

Joey同Patrick相識40年,完全冇鬧過交,係互相扶持嘅好兄弟。
Joey同Patrick相識40年,完全冇鬧過交,係互相扶持嘅好兄弟。
雖然隔住塊膠板唱歌,但完全冇影響Joey同Patrick嘅默契。
雖然隔住塊膠板唱歌,但完全冇影響Joey同Patrick嘅默契。

太極係無煙樂隊
提到太極將於今年12月舉行大型個唱慶祝成軍35周年,觀眾可以喺西九草地睇住日落,飲番兩杯聽他們唱歌,氣氛一定好正。對於黃家強以「道不同不相為謀」為由,拒絕同黃貫中(阿Paul)再組Beyond,太極跟Beyond同期出道,問到會否覺得好可惜?Joey唔敢相信係事實,只說:「我會繼續抱住一個希望,寧願呢個只係劇本,只係扮住嬲先,遲啲會大團圓結局!」看透世情嘅Pat哥反而贈句「世事無絕對!」並解釋:「今日話一定唔會做嘅嘢,未必會係咁,世事會變,地球係圓嘅!大家夠冇諗過有𠵱家嘅疫情啦!細個夠話一定唔會戒煙,點知我同Joey唔係叫戒煙,係食到反胃,所以可以話唔食就唔食,𠵱家太極係無煙樂隊,只係圍埋打邊爐先出煙!」兩人跟Beyond識於微時,異口同聲話好想睇Beyond三子合體,笑言到時去搲撈做吓和音、嘉賓都好。

Beyond嘅歌聲仍然令人難忘。
Beyond嘅歌聲仍然令人難忘。
2006年,家駒46歲冥壽,家強舉行《別了家駒15載海闊天空音樂會》,當時阿Paul及世榮都有份演出。
2006年,家駒46歲冥壽,家強舉行《別了家駒15載海闊天空音樂會》,當時阿Paul及世榮都有份演出。
4年前世榮舉行《家駒…愛心延續慈善演唱會》,太極有份做嘉賓。
4年前世榮舉行《家駒…愛心延續慈善演唱會》,太極有份做嘉賓。
5年前太極開30周年演唱會,黎明嚟表演助慶。
5年前太極開30周年演唱會,黎明嚟表演助慶。
當晚Pat哥喺《頭條娛樂》Facebook專頁開Live,大談和哥哥的緣份,當年他結婚,哥哥有份幫他「上頭」。
當晚Pat哥喺《頭條娛樂》Facebook專頁開Live,大談和哥哥的緣份,當年他結婚,哥哥有份幫他「上頭」。
轉眼太極成軍35周年,6子感情好好,仲打算喺今年年尾開show。
轉眼太極成軍35周年,6子感情好好,仲打算喺今年年尾開show。
關鍵字

最新回應

關鍵字

相關新聞

熱門文章