宣佈音樂會延期至10月　雷有輝向觀眾致歉：希望疫情快啲完結

受新冠肺炎疫情影響，太極樂隊主音雷有輝（Patrick）原定於8月15、16日假西九文化區戲曲中心大劇院舉行的一連兩場個人音樂會《PAT Music Over Rainbow》，今日終於宣佈為配合政府的最新防疫措施，將延期至10月10、11日舉行；主辦單位又寫道：「我們堅信風雨過後必有美好的天空，繼而畫出燦爛彩虹。在此感謝各位的支持和鼓勵，大家一起努力，擊退疫情，讓生活重回正軌。」

對於音樂會一再延期，Patrick回覆傳媒時坦言為顧及樂迷、樂手及工作人員的健康，唯有忍痛作出押後的決定，他說：「主辦商都話唔會取消，只係押後呢個騷。其實歌單都準備好晒，我都好心急同大家見面，心情當然係唔開心啦，唔只因為延遲，而係香港受到疫情嘅影響，希望可以快啲完結，咁我哋就可以過番正常嘅生活。」並謂現在會善用時間去修改歌單，希望做到盡善盡美，Patrick又承諾：「我會做得更好回饋俾觀眾，多謝樂手支持為我遷就檔期，亦向受影響嘅觀眾致歉。」

此外，持票人士可使用原有門票自動更改為以下相對應之場次，如未能出席相對應之補場場次，可登入西九文化區網站，查閱退票詳情：

8月15日之場次更改為10月10日（六）晚上8時30分
8月16日之場次更改為10月11日（日）晚上8時30分