【獨家】返港密密開工好開心 喬寶寶開到口恨拍ViuTV劇集

2020-09-01 22:05
喬寶寶在獨立電影《我男友係好差》中的家人,全部係印度人,陳欣妍演囝囝女友。
喬寶寶在獨立電影《我男友係好差》中的家人,全部係印度人,陳欣妍演囝囝女友。

喬寶寶難頂戲癮,月前由蘇格蘭返港拍電影《時代》,緊接拍另一部中印獨立電影《我男友係好差》,之後還會接拍一套鬼片。雖然喺疫情下減薪兩成,但密食當三番,寶寶都好開心,佢仲有個願望就係拍到ViuTV劇集,甚至做吓佢最拿手嘅綜藝、旅遊節目,ViuTV高層睇到呢篇報道就考慮吓啦!採訪:方騫平


喬寶寶在獨立電影《我男友係好差》中的家人,全部係印度人,陳欣妍演囝囝女友。
喬寶寶在獨立電影《我男友係好差》中的家人,全部係印度人,陳欣妍演囝囝女友。
片中加入南印度家庭色彩,喬寶寶、陳欣妍等要用手拎飯食。
片中加入南印度家庭色彩,喬寶寶、陳欣妍等要用手拎飯食。

返港期間日日有工開,喬寶寶心情大靚,不過,採訪當日寶寶要調整心情,以一個沉重mood拍一場頹廢囝囝(南亞裔演員成家宏)炒車受傷入院嘅戲,由於傷及囝囝女友(陳欣妍飾),未來親家楊卓娜去求喬寶寶拆散鴛鴦,飾演成家宏好友嘅岑珈其就加以安慰。




劇情講兒子受傷入院,喬寶寶和家人,兒子好友岑珈其到達急症室。
劇情講兒子受傷入院,喬寶寶和家人,兒子好友岑珈其到達急症室。
喬寶寶大讚近年ViuTV劇集有創意,亦有留意岑珈其作品。
喬寶寶大讚近年ViuTV劇集有創意,亦有留意岑珈其作品。

用手食飯唔習慣
獨立電影講述一個中國籍少女同印度男孩喺香港發生嘅愛情故事,並帶出香港及印度獨有文化。因為故事背景發生係南印度家庭,當地習俗要用手去食飯,有場戲要徒手食咖哩飯,寶寶食到手指甲邊都變咗黃色。問到喺疫情下要用手食飯會否唔太衛生?寶寶即解釋:「我哋有洗手,而且鏡頭有遷就,雖然我都有少少唔習慣,不過戲中老婆同新抱就食得津津有味。」

另外,剛求婚成功嘅岑珈其由屯門撲去新蒲崗,只係拍咗幾個Shot就收工,他表示疫情下最緊要有工開,搵得幾多老婆本就搵幾多。而楊卓娜知道姨甥女「小珍珠」出現厭奶期,她叮囑楊怡唔使過度緊張,可能吹冷氣太多引致腸胃不適,建議阿怡用熟雞蛋加銀戒指幫BB碌吓頭、頸、肚,有助小朋友血氣運行。

岑珈其求婚成功,預計今年11月同拍拖5年的圈外女友結婚。
岑珈其求婚成功,預計今年11月同拍拖5年的圈外女友結婚。
楊卓娜去醫院求喬寶寶,唔好再畀頹廢兒子同佢個女拍拖。
楊卓娜去醫院求喬寶寶,唔好再畀頹廢兒子同佢個女拍拖。
喬寶寶大讚陳欣妍係個相當勤力演員,聽教聽話。
喬寶寶大讚陳欣妍係個相當勤力演員,聽教聽話。
關鍵字

最新回應

關鍵字

相關新聞

熱門文章