結婚3年生B順其自然 王君馨靠老公面前跳舞維繫感情

2020-08-26 10:00
王君馨接受《StarTalk》主播許文軒專訪。
王君馨接受《StarTalk》主播許文軒專訪。

王君馨(Grace)日前作客TVB娛樂新聞台節目《StarTalk》,接受主播許文軒(Edmond)專訪,大談做獨立歌手推出新歌感受。Grace今次製作自己一腳踢,好似生BB一樣,「今次自資6位數字出歌,乜都要落手落腳做,好似今次自己有份創作歌曲、又要搵MV班底、拍攝埸地、舞蹈藝員啲衫都係自己搵,真係好似生BB咁。特別要多謝陳友,我之前喺教會認識咗佢,佢二話不說用佢嘅遊艇幫手帶我同導演出海周圍搵嘅沙灘景,今次拍MV前前後後有太多事發生,拍攝前一星期,我個Stylist入咗醫院、排舞師喺排練嗰時暈咗,而其中一位舞蹈員整親膝頭,我當時真係崩潰,去到沙灘拍攝時,又突然狂風暴雨,自己唯有祈禱,好彩之後突然停雨立即狂拍,非常感恩,真係關關難過關關過。」

王君馨接受《StarTalk》主播許文軒專訪。
王君馨接受《StarTalk》主播許文軒專訪。
Grace為新歌舉行記者會,老公親自送花撐場。
Grace為新歌舉行記者會,老公親自送花撐場。



16年與丈夫Daniel結婚的Grace,談到生育方面她認為一切隨緣,但理想生一男一女,「唔知點解而家冇咁討厭BB,之前覺得小朋友同BB好難溝通,因為唔知佢哋喊係表達乜嘢,似乎呢一兩年慢慢開始Ready!」而她跟老公結婚3年多,原來她靠跳舞維繫感情,「情趣就唔好靠男人,我老公唔識畀驚喜,佢係個好簡單嘅人,平時只係返工放工,驚喜等我嚟,我覺得跳舞可以增加情趣。(妳會跳舞畀老公睇?)都會!當然唔使排曬舞,跳一啲有美感嘅舞就得。」



Grace更重提早前拍劇「精神出軌事件」,「之前拍劇同男拍檔日對夜對,但我同老公(當時仍是男朋友)一星期只傾一次電話,可能自己太投入角色,連發夢都夢到拍檔,自己知已經響咗警號,我就同我另一半坦白,將件事講晒畀佢知,應承佢唔會單獨見面,咁樣先維持到大家信任。𠵱家我問我老公有親熱戲擔唔擔心,佢話完全相信我,佢話有嘢我會同佢講,咁樣就更加令到我放心投入角色。」

舞藝出眾的Grace,原來會為老公作私人表演。
舞藝出眾的Grace,原來會為老公作私人表演。
新歌MV在沙灘拍攝,Grace感激陳友相助搵景。
新歌MV在沙灘拍攝,Grace感激陳友相助搵景。

Grace透露在沙灘拍攝時,遇上不少困難。
Grace透露在沙灘拍攝時,遇上不少困難。
關鍵字

最新回應

關鍵字

相關新聞

熱門文章