结婚3年生B顺其自然 王君馨靠老公面前跳舞维系感情

王君馨（Grace）日前作客TVB娱乐新闻台节目《StarTalk》，接受主播许文轩（Edmond）专访，大谈做独立歌手推出新歌感受。Grace今次制作自己一脚踢，好似生BB一样，「今次自资6位数字出歌，乜都要落手落脚做，好似今次自己有份创作歌曲、又要搵MV班底、拍摄埸地、舞蹈艺员啲衫都系自己搵，真系好似生BB咁。特别要多谢陈友，我之前喺教会认识咗佢，佢二话不说用佢嘅游艇帮手带我同导演出海周围搵嘅沙滩景，今次拍MV前前后后有太多事发生，拍摄前一星期，我个Stylist入咗医院、排舞师喺排练嗰时晕咗，而其中一位舞蹈员整亲膝头，我当时真系崩溃，去到沙滩拍摄时，又突然狂风暴雨，自己唯有祈祷，好彩之后突然停雨立即狂拍，非常感恩，真系关关难过关关过。」

16年与丈夫Daniel结婚的Grace，谈到生育方面她认为一切随缘，但理想生一男一女，「唔知点解而家冇咁讨厌BB，之前觉得小朋友同BB好难沟通，因为唔知佢哋喊系表达乜嘢，似乎呢一两年慢慢开始Ready！」而她跟老公结婚3年多，原来她靠跳舞维系感情，「情趣就唔好靠男人，我老公唔识畀惊喜，佢系个好简单嘅人，平时只系返工放工，惊喜等我嚟，我觉得跳舞可以增加情趣。（你会跳舞畀老公睇？）都会！当然唔使排晒舞，跳一啲有美感嘅舞就得。」



Grace更重提早前拍剧「精神出轨事件」，「之前拍剧同男拍档日对夜对，但我同老公（当时仍是男朋友）一星期只倾一次电话，可能自己太投入角色，连发梦都梦到拍档，自己知已经响咗警号，我就同我另一半坦白，将件事讲晒畀佢知，应承佢唔会单独见面，咁样先维持到大家信任。𠵱家我问我老公有亲热戏担唔担心，佢话完全相信我，佢话有嘢我会同佢讲，咁样就更加令到我放心投入角色。」