美國開網上生日會 阿Bob「送女」賀王梓軒
2020-06-09 18:03 
6月3日是王梓軒(Jonathan)34歲生日，因工作未能返港慶祝的梓軒，早前搞了個線上生日會，有超過十個國家的粉絲及朋友參與，而好友陳煒，更親手整咗隻紅雞蛋兼畫上圖案，隔空送蛋！王君馨送祝賀視頻；老友阿Bob更不失搞笑本領，眼見梓軒係黃金筍盤實行隔空「送女」，阿Bob笑說：「梓軒乜都有，係冇女朋友，我將12歲大女霏霏交畀佢，做佢女朋友……」梓軒大讚朋友的心思令他感動不已：「呢份禮物雖然令我好窩心，亦都好感激佢竟然將個囡囡交畀我，我估應該排到下年都未輪到我去見佢，因為陳國鋒個仔一早已經抽咗籤，我會問准佢呢個『競爭對手』先。」
談到生日願望，王梓軒希望疫情盡快過去，經濟復甦，「我會繼續製作影視作品，以及開設我的第一個網店，網店售賣我嘅專輯及其他商品，也會設計健身及音樂網上課程，分享正能量。再一次多謝大家祝福，我大個仔喇，我會繼續努力！」
關鍵字
最新回應