【男友力撐】被網民鬧爆係姣婆 廖慧儀反擊掀罵戰

入圍港姐的廖慧儀，早前與其他佳麗上船出海拍攝宣傳片頭，其後在社交平台上載照片並留言：「如果可以畀我哋一齊係到(喺度)瞓一晚就好啦。惟有網民卻留言：「大家小心D（啲）呢個尿慧儀，周圍勾引男人，好賤格的，絞（姣）婆一個。」廖慧儀隨即還擊：「讀好啲書，學吓寫字先」，其後廖慧儀的男友Sam也加入戰團：「你哋發表咁有品嘅言論，不停侮辱一個你哋不相識嘅人，然後再話人寸你打錯字，好無品」，有網民讚Sam體貼愛護女友，又指廖慧儀是「最敢言港姐」。

喻為「狂野空姐」廖慧儀參選港姐獲得男友支持，但Sam似乎不想女友當選，他曾在女友一則拉票發文留言：「買你輸」，但之後又刪除留言，不過已被手快快的網民截圖，廖慧儀被網民狙擊：「男朋友都買你輸，有冇回應呀？」