【獨家】做烹飪節目吸納住家男Fans 江美儀搵伴侶識下廚會加分

2020-08-25 22:56
江美儀和三姐都係心直口快嘅人,所以相處得好舒服,煮嘅餸更獲觀眾追捧。
江美儀和三姐都係心直口快嘅人,所以相處得好舒服,煮嘅餸更獲觀眾追捧。

因為新冠肺炎好多市民都要留家煮飯仔,令到由江美儀及名廚三姐(蕭秀香)主持嘅烹飪節目《女人必學100道菜》創出佳績,最高收視達24.7點。最搞笑有朋友竟打兩人主意,力邀她們上門做私房菜!美儀耍手擰頭話客串性質可以,但用嚟賺錢就咪搞,不過稍後會一齊出書,希望呢個組合長做長有。採訪:方騫平 場地:三姐海鮮飯店

江美儀和三姐都係心直口快嘅人,所以相處得好舒服,煮嘅餸更獲觀眾追捧。
江美儀和三姐都係心直口快嘅人,所以相處得好舒服,煮嘅餸更獲觀眾追捧。
兩位主持會親自去搵健康食材。
兩位主持會親自去搵健康食材。

《女人必學100道菜》共25集會教觀眾煮100道菜,每集三姐教4道菜式,美儀負責一道撚手菜,因而節奏相當明快。不過,有網民卻批評,每道菜式只得5分鐘,遇上複雜食譜觀眾未必吸收得晒,甚至質疑食材未熟透就上枱,因為從鏡頭前所見嘅海南雞,雞肉呈粉紅色。對此,江美儀表示必須要澄清,否則對台前幕後唔公平:「隻雞真係熟㗎!千祈唔好咁講,對大家唔公平,現場有咁多人睇住,點會生都拎出嚟,可能燈光問題。」


江美儀澄清秘製嘅海南雞係熟㗎,只係燈光問題,鏡頭前先會呈粉紅色。
江美儀澄清秘製嘅海南雞係熟㗎,只係燈光問題,鏡頭前先會呈粉紅色。
三姐畀美儀80分,指她廚藝一流,一定可以搵到終生伴侶。
三姐畀美儀80分,指她廚藝一流,一定可以搵到終生伴侶。

提醒觀眾上網重溫節目
美儀再強調煮嘅「爸爸冬菇雞飯」係先走油鎖住肉汁,等啲雞半生熟再放入煲焗煮,如果熟晒先再落煲就會過火變老。不過美儀都坦言,「其實未必個個識煮餸,所以由我哋教大家點做。我哋做每一集都會食晒所有餸,甚至連隔離廠嘅演員都過嚟食,唔係流㗎!如果觀眾覺得節奏過快,可以上網重溫。」至於三姐就話世事豈能盡如人意,兩人盡力做好就算。美儀在《殺手》中亦好搶戲,她表示大結局未計myTV SUPER,收視有成32點:「套劇拍落兩年,冇諗過堆埋一齊出街,我睇返結局篇都喊死!由妓女從良變主婦,𠵱家多咗好多Fans,更有唔少住家男同我交流煮食心得,將來有伴侶,識煮飯會加分,因為有時你整畀我食,我整畀你食都幾Sweet!」

江美儀喺《殺手》大結局中嘅演技獲讚好。
江美儀喺《殺手》大結局中嘅演技獲讚好。
美儀嘅清新番茄湯獲三姐讚好。
美儀嘅清新番茄湯獲三姐讚好。
顧紀筠兒子陳浚霆都過廠食好嘢,食豉油雞食到津津有味。
顧紀筠兒子陳浚霆都過廠食好嘢,食豉油雞食到津津有味。
關鍵字

最新回應

關鍵字

相關新聞

熱門文章