【獨家】自封萬人迷 唔使玩爭仔 馮盈盈轉口味想嗒圈中成熟男

2020-08-21 02:14
自封萬人迷的馮盈盈,現在想搵個思想成熟圈中人做男朋友。
自封萬人迷的馮盈盈,現在想搵個思想成熟圈中人做男朋友。

馮盈盈最近在劇集《反黑路人甲》首次做女一,飾演督察「Madam Koo」愛上卧底下屬王浩信演的「張細倫」,仲要同6個女仔齊齊爭仔。私底下,盈盈自從去年底跟拍拖4年的醫生男友鍾文浩(Martin)分手後,傳過撻着鄭衍峰,但她否認戀情。講到同人爭仔,盈盈直言冇「Madam Koo」呢個煩惱,更自封係萬人迷,勁多追求者唔愁冇仔溝。不過,她強調現階段唔心急拍拖,會了解清楚睇定啲先發展新戀情,仲話𠵱家搵對象反而轉口味想揀圈中人,貪對方會明白工作情況唔使不停解釋,但對方最重要思想夠成熟,畀到意見支持她在圈中發展。撰文:杜淑霞 攝影:梁志明 髮型及化妝:Kayo [email protected] Makeup 服飾:MARYLING Swarovski、Malone Souliers 場地:The Stadium

自封萬人迷的馮盈盈,現在想搵個思想成熟圈中人做男朋友。
自封萬人迷的馮盈盈,現在想搵個思想成熟圈中人做男朋友。
盈盈提到揀男朋友,笑得好開心。
盈盈提到揀男朋友,笑得好開心。



今次在《反黑路人甲》盈盈首度擔正女主角,本身是周星馳迷愛睇喜劇的她,本來有今次機會覺得興奮又開心,但衰在經驗唔夠,畀自己超大壓力,她自爆拍喜劇竟然拍到爆喊,「大家開心睇喜劇嘅時候,其實我係喺鏡頭不停喊,返到屋企背人就流淚啦!喺現場對自己有更大期望又忍唔住喊,唔知係咪我對呢套喜劇太投入,係拍劇以嚟喊得最多嘅一次。」


感激王浩信張振朗


盈盈呢段迷惘期,好彩經過王浩信和張振朗幫助好快過度,「佢哋願意喺場口之間空檔時間,唔休息攞嚟同我去排戲練戲,佢哋陪我做到捉到個感覺,再配合先roll機,畀咁大空間我,佢哋冇任何唔耐煩,好願意幫我。」而張振朗私底下更message她打氣,「佢畀咗啲鼓勵說話我,『唔需要灰心同沮喪住,相信你會搵到你嘅方法嘅,拍戲最緊要開心,你先自己enjoy放鬆心情』好多謝佢,令我明白令人開心前,自己唔可以咁唔開心,要放返開心情。」


講到劇中要同6個女仔齊齊爭仔,盈盈話現實中會選擇放手,「原因同角色係唔同,對方都係萬人迷,好多女仔鍾意佢要爭佢嘅話,算啦我放手,因為我本身都係萬人迷,好多人都會鍾意我㗎嘛!咁樣就無謂執着啦,又辛苦自己,勉強得嚟都冇幸福啦!(𠵱家係咪好多人追?)我覺得應該都會嘅,但係我仲好專心工作嘅關係,就熄晒呢啲雷達,冇話特別留意邊個想追我、鍾意我。」

《反黑路人甲》是盈盈首次做女主角兼拍喜劇,給了自己特別大壓力。
《反黑路人甲》是盈盈首次做女主角兼拍喜劇,給了自己特別大壓力。
盈盈有樣有身材,真係唔使擔心冇仔溝!
盈盈有樣有身材,真係唔使擔心冇仔溝!


有對象會照公開

問到現階段的擇偶條件,盈盈覺得最重要相處舒服,「以前細個通常會有啲特定嘅擇偶條件,譬如我講過要幽默、搞笑、聽我話咁樣,特別我𠵱家大個啲,經歷多咗,人都成長成熟咗之後,覺得相處舒服先至係最緊要,其他啲條件都唔夠呢樣嘢重要,但係就真係要啲時間,一開頭互相被吸引一定覺得做咩都好,但係真係需要時間考驗同見證,先發現即使時間耐咗,大家都相處到包容到,咁先至係值得去開始嘅對象。」



盈盈坦承覺得圈中人會更適合她,因為容易溝通,「坦白講從事番呢個行業會易啲明白大家遇到嘅難處,有咩需要,好多嘢我唔需要講一大輪先至解釋到,咁佢對個行業了解啲,有時我好迷惘,嚟緊唔知點行,佢都會畀到啲建設性嘅意見我,都幾幫到我喎!(即係要成熟啲?)成熟好緊要,但唔係純粹歲數,思想上先得,我希望個對象彌補到我一啲覺得缺憾嘅地方,例如佢會識得深思熟慮做好多嘢,因為我比較直率,憑直覺衝動做事,我畢業之後第一份工就係香港小姐,人生歷練唔夠,譬如好多職場上遇着問題唔識得應對,希望佢呢方面畀多啲做人處事嘅經驗我。」雖然上次公開戀情最終沒有好結果,但盈盈將來再拍拖仍會繼續公開,「以我一個比較坦承直率嘅性格,有好消息一定會同大家分享,都守唔住㗎啦,坦白講喺呢個世代玩地下情都唔會長久。」

盈盈着呢套透視真空晚裝,曾經成為一時佳話。 
盈盈着呢套透視真空晚裝,曾經成為一時佳話。 
盈盈原來每次拍喊戲,都會靠聽C ALLSTAR的《逾越生死》幫助調節情緒。
盈盈原來每次拍喊戲,都會靠聽C ALLSTAR的《逾越生死》幫助調節情緒。
令盈盈最難忘要算跟王浩信一shot落的嗌交戲,要拍足10 幾次才成功。
令盈盈最難忘要算跟王浩信一shot落的嗌交戲,要拍足10 幾次才成功。
張振朗的鼓勵message令盈盈好感動,更令她成功走出迷惘期。
張振朗的鼓勵message令盈盈好感動,更令她成功走出迷惘期。
盈盈去年底跟拍拖4年的醫生男友鍾文浩(Martin) 分手。
盈盈去年底跟拍拖4年的醫生男友鍾文浩(Martin) 分手。
早前有指盈盈跟《後生仔傾吓偈》主持拍檔鄭衍峰撻着,但兩人都否認。
早前有指盈盈跟《後生仔傾吓偈》主持拍檔鄭衍峰撻着,但兩人都否認。
盈盈跟江嘉敏因與何猷亨船P而傳不和,事件令她學識以行動證明一切,不需要再多作解釋。
盈盈跟江嘉敏因與何猷亨船P而傳不和,事件令她學識以行動證明一切,不需要再多作解釋。

最新回應

關鍵字

相關新聞

熱門文章