華麗轉身首當女一湯怡唔敢面對當年美女廚神驚青樣

2020-08-17 18:41

現年32歲有「少女版黎姿」稱號嘅湯怡出道14年，終於喺TVB新劇《反黑路人甲》擔正女一，她表示每一集都有追睇，見到第一集反應已好大，笑說：「特別係轉身一幕，大家都讚，監製特別幫我拍得好靚，朋友話似洗頭水廣告，自己都希望留返長頭髮，可以接到廣告。」

問有否叫朋友支持？湯怡表示：「收到好多朋友cap相畀我，但都係十幾年前做《美女廚房》嘅相，我最近都收到幾次，一直都唔敢睇、唔敢面對，當時做美少女廚神，第一次面對鏡頭，又行Catwalk又煮餸，驚驚青青唔敢表達。」

提到一出場便和王浩信做牀戲，湯怡預告還有更激演出，將會在車廂中進行，湯怡與陳家樂在電影《死因無可疑》都有牀戲，問是否更激？她笑說：「我覺得係，因為同家樂冇乜感覺，大家太Friend，浩信氣場太勁，搞到我提心吊膽。」