完成隔離出關返家　黃浩然獲太太囝囝花心思歡迎好感動

黃浩然早前返咗內地橫店拍攝由王晶執導嘅電影《新倚天屠龍記》，飾演明教「青翼蝠王」韋一笑，拍咗3個多月終於完成，雖然8月6日佢已經返咗香港，但係因為要接受隔離，於是住咗喺酒店冇得同太太莫家嘉（KaKa）及兩個囝囝共聚天倫住，好彩呢14日有KaKa同囝囝嘅愛心外賣打氣。噚晚浩然終於宣佈可以出關返屋企，而KaKa同囝囝仲好有心思咁專登裝飾屋企歡迎佢，搞到佢不知幾感動咁話：「『家』，永遠是最重要、最有愛❤️的地方，❤️Welcome Home❤️，謝謝黃太和兩位公子的心思」