【Romi好得意呀】一起身就要做運動 歐鎧淳有厚肉愛貓陪做瑜伽

有「美人魚」之稱，28歲的香港奧運泳隊選手歐鎧淳係運動狂，IG勁多做運動嘅相，就算喺屋企都唔可以懶，一起身就要做個早晨瑜伽，佢話咁先係Good Morning，而陪做瑜伽嘅仲有周身肉嘅愛貓Romi，啲紋好特別，好得意呀佢。

Romi好乖，坐定定喺瑜伽墊，貓奴唔敢打擾佢，做瑜伽重要，但都唔好打擾貓貓，唯有就晒佢，一張墊兩份用。其實Romi一向好鍾意陪歐貓奴做瑜伽，之前歐鎧淳都放過佢做瑜伽時Romi遮住鏡頭嘅搞笑片到IG，一貫無你咁好氣，遮你咪遮你嘅態度，好得意呀佢。