【Romi好得意呀】一起身就要做运动 欧铠淳有厚肉爱猫陪做瑜伽

有「美人鱼」之称，28岁的香港奥运泳队选手欧铠淳系运动狂，IG劲多做运动嘅相，就算喺屋企都唔可以懒，一起身就要做个早晨瑜伽，佢话咁先系Good Morning，而陪做瑜伽嘅仲有周身肉嘅爱猫Romi，啲纹好特别，好得意呀佢。

Romi好乖，坐定定喺瑜伽垫，猫奴唔敢打扰佢，做瑜伽重要，但都唔好打扰猫猫，唯有就晒佢，一张垫两份用。其实Romi一向好锺意陪欧猫奴做瑜伽，之前欧铠淳都放过佢做瑜伽时Romi遮住镜头嘅搞笑片到IG，一贯无你咁好气，遮你咪遮你嘅态度，好得意呀佢。