屢敗屢戰仍然鍾意 歐鎧淳玩水上瑜伽玩上癮

因為年初新冠肺炎影響，唔少大型體壇比賽如東京奧運宣告延期或取消，加上本地訓練設施關閉，準備4度征奧的「飛魚」歐鎧淳（Stephanie）亦要留家休息，暫別游泳池近兩個月。

不過，做開運動嘅Stephanie冇偷懶，唔練水都可以做第二樣嘢，例如瑜伽，玩咗一排有啲成績但唔算太叻。尋日天氣勁熱，「女飛魚」就出海玩水，但佢唔係滑浪，係玩SUP yoga，佢一邊玩一邊有朋友同佢拍片，見佢企得唔太穩陣，不斷跌，但Stephanie無氣餒，仲話水上瑜伽非常適合佢，「試到停唔到，不斷失敗，但我仍然好鍾意」。

佢仲話等佢喺瑜伽方面更叻嘅時候就會返嚟。