【新冠肺炎】《麥路人》鐵定九月中上映  郭富城期待影業反彈

受新冠肺炎影響，不少演唱會及電影都要延期！，由郭富城及楊千嬅主演的寫實電影《麥路人》原定本年初公映，唯因疫情關係映期一直被延後，終鐵定9月中上映，片方發放最新一輯預告。郭富城當知道影片終於上映，抱著非常期待的心情，《麥路人》可說是他近年演出比較滿意的作品，他被劇本深深打動。

 

片中城城扮演失意落魄的過氣才俊，在社會邊緣上掙扎求存，以一個頹廢look示人，雖然角色很痛苦內斂，但好發揮：「拍攝期間，我特地唔進食，加強捱餓感去演出，而拍攝時不斷吸煙、咳嗽，拍攝中途投入到連自己都以為真係患咗重病，擔心咗好耐，呢套戲係由心出發嘅作品，對手都好出色！」

 

他希望電影業經歷差不多半年的停擺，《麥路人》及其他港片能陸陸續續上映，齊心協力為市場帶來一波真正的反彈：「希望有更多觀眾能睇到出色而有心嘅港產片，並且全力入戲院去支持，呢個對現階段嘅影市嚟講最重要。」



 

千嬅感謝城城帶動入戲

女主角楊千嬅更笑說：「今次飾演落魄歌女，一時濃妝，一時素顏，係真正以中女身份見人，一於以真實感情去投入角色，感動觀眾。而首次同Aaron合作，我畀佢嘅情緒帶動下，好快進入角色，好多謝呢位好對手。」

 

《麥路人》由鄭保瑞監製，黃慶勳導演，除了郭富城及楊千嬅，還有演員萬梓良、張達明、鮑起靜及新人劉雅瑟等，今屆的「香港電影金像獎」中，張達明更奪「最佳男配」。而郭富城及楊千嬅一直對《麥路人》寄予厚望，兩人對新導演黃慶勳十分欣賞。