完成隔离出关返家　黄浩然获太太囝囝花心思欢迎好感动

黄浩然早前返咗内地横店拍摄由王晶执导嘅电影《新倚天屠龙记》，饰演明教「青翼蝠王」韦一笑，拍咗3个多月终于完成，虽然8月6日佢已经返咗香港，但系因为要接受隔离，于是住咗喺酒店冇得同太太莫家嘉（KaKa）及两个囝囝共聚天伦住，好彩呢14日有KaKa同囝囝嘅爱心外卖打气。噚晚浩然终于宣布可以出关返屋企，而KaKa同囝囝仲好有心思咁专登装饰屋企欢迎佢，搞到佢不知几感动咁话：「『家』，永远是最重要、最有爱❤️的地方，❤️Welcome Home❤️，谢谢黄太和两位公子的心思」