【高危職業】 湯漢斯中招 陳煒黃浩然擔心又震驚

無綫劇集《法證先鋒IV》再次舉行宣傳活動，收視仍然高企，3月3日（第12集）七天跨平台收視錄得37.1點，平了首集收視記錄。陳煒感激觀眾支持並呼籲網民踴躍留言，提議眾演員回饋方案，笑言自己冇底線。

收視報捷，問到如何回饋觀眾？煒哥笑說：「唔知㗎！睇吓網民有咩提議，可能叫我捐晒副身家呢！（你都照捐？）咁我都有底線嘅。」身旁的譚俊彥仍記得，早年《宮心計2》眾演員已試過展示泳裝照慶祝。認為疫情底下，例如跑步，泳裝照等都不適合，應該要偏向多做慈善，藝人亦有責任發放正能量。對此，黃浩然亦非常認同，呼籲網民多多留言提供建議，幕後收集意見後，再計劃如何實行。他說：「我哋成班演員都會派口罩，正如小青姐所講，我哋私底下都要多做善事。」

此外，奧斯卡金像影帝湯漢斯（Tom Hanks）跟太太麗達韋遜（Rita Wilson）證實在澳洲拍攝新片時確診新冠肺炎。問到身為藝人有否擔心？黃浩然坦言感到震驚，陳煒更指演員應該是唯一不能帶口罩工作的職業。譚俊彥表示市民防疫已做了一段時間，發現開始有點鬆懈並提醒每個人都要做好防疫工作。他說：「我每日都會同個仔睇NBA，而家連NBA都冇得睇。」

另外，黃浩然提到有可能4月復課，笑指跟太太正在迴避此問題。他笑說：「相信好多家長都係咁，喺屋企見到個仔食完飯都係就咁用手抹個嘴，邊會唔擔心，真係復課，再睇吓點配合學校。」