【維港會】花百萬豪裝自置公屋引熱議 網民：換層居屋仲好

港人辛苦奮鬥一生，都是想求個安樂窩。近日就有一對夫婦為早年購入的公屋單位大改造，花近100萬豪裝單位，當中不乏名牌傢俬，影片一出即引起網民熱議，有人認為住得開心就好，亦有人表示不懂欣賞。

一名Youtuber近日上傳一條「公屋大改造」影片，「開箱」自己一對好友夫婦新裝修的單位。這個公屋單位是20多年前，女屋主的父母用廿多萬元購入，這對夫婦決定要為單位大翻修。屋主入手大批名牌傢俬和高級家品，一入門口已是電子防盜眼，地板就鋪了意大利地磚，已花了18萬元。而窗台就採用特製窗框，是用取得專利的透明膠板及組件砌成，盛惠5000元。客廳梳化則是日本設計的兩座位原木梳化，使用入榫技術，無釘無鏍絲，花費4萬元。

再到廚房，牆壁由人手逐塊鋪轉，工作枱則以石英石為物料，蒸焗爐、電飯煲、咖啡機都有齊全，甚至連垃圾桶都要2000多元，因為是電動多功能。廁所每件家品也不便宜，一個廁紙架要900元，是特別設計可將廁紙原個抽出及左右更換抽廁紙方向。

不過網民就對此有不同看法，「真係錯晒，應該換層二手居屋都好吖嘛」、「白白浪費了間美好的公屋」、「唔識欣賞，居屋裝修，依家啲私樓靚好多」、「整得有幾靚又點？又無會所又無泳池又無健身室......你繼續匿埋嚮自己間假豪宅入面啦」、「買嘢要講性價比，而唔係有咁貴買到咁貴」，不過也有人支持，「住得開心咪得」、「有錢就任性」、「父母剩落層樓比佢哋，用一百萬裝修，咪當用一百萬買個單位囉！佢哋點計都有着數」。