【維港會】中年婦與28歲女同住公屋 難忍暴躁女兒盜竊激動入院欲分家

香港寸金尺土不少家庭幾代人都同住一屋，一名五旬在職婦人與28歲女兒同住公屋，但女兒情緒暴躁，媽媽難忍女兒盜竊，更激動到入院，其後忍無可忍欲分家，中年婦的媳婦為免家庭持續不合，於是在網上求助。

網民指，家婆育有2子1女，2名兒子結婚後已經搬走，剩低28歲女兒同住公屋。家婆差不多60歲，「辛苦命勞碌奔波，最近兩年搵到份舒服少少嘅工，幫啲小公司煮飯清潔，叫做自給自足」。網民形容，家姑「一直無固定工作，一路以來無俾過錢屋企，淨係會問媽咪拎錢。最近好似搵到全職就話要俾屋租，諗住俾錢大哂，但都係得個講字」。

網民透露，家姑經常神態怪異，小小事就不斷鬧家婆，網民一直認為家姑是有精神疾病，但其母親不想媽爭吵所以都會息事寧人，不是啞忍就是薄責。網民解釋，

大概2年前有一次激到家姑入院，但家婆「覺得始終都係自己個女，打算忍下就算，中間都好多大小事爭執，有次媽咪（家婆）發現自己啲金飾唔見咗，咁屋企得2個人，問阿妹（家姑）放係邊，又開始發癲發哂脾氣，後尾唔知點，有日拎返啲金出黎。最近又變本加厲，無啦啦拎鎚仔劈爛媽咪（家婆）房門嘅鎖，最近有親戚過世，媽咪心情已經唔好
加上整爛埋把鎖，佢（家婆）即刻有事。直到而家食咗兩個月藥，成日心跳手震，甲狀腺亢奮，瘦咗好多」。

網民批評，家姑「知自己媽咪身體唔好，知食咗好多藥，都完全無改變，媽咪（家婆）已經心淡，佢想搬出黎住，奈何大仔細仔屋企都唔大，媽咪（家婆）長住唔到」網民形容，「我唔係親生女，都覺得好心痛，我幫佢睇公屋分戶，見到話如果個個人唔肯，房署都係俾社署介入，都無咩大作用」。

網民議論紛紛，有人提出，事主應該報警指家中有人精神失常，送醫處理；有人認為，「個阿媽搞唔到當然搵兩個仔救,叫佢地幫手趕走阿妹出門口」；也有人勸告「老實講呢啲時候只可以狠心啲先解決到，成日顧住呢樣個樣，最後互相慢性傷害，到時仲衰」。

根據房屋署政策，公屋租戶如家庭成員之間存在嚴重且根深柢固的不和，或具其他合理而值得體恤的理由，房委會會按其特殊情況作出考慮，並在有需要時轉介予相關政府部門／機構進行評估及推薦。

如部分家庭成員表明無意要求分戶，其他家庭成員的分戶要求將不獲受理。然而，後者可以授權房委會把其個案轉介社署，以便獲得適當援助。

自願合住戶和家庭組合住戶如提出分戶要求，有關安排除有合理而值得體恤的理由外，住戶須符合下列條件，原住戶及分拆戶均須分別接受入息及資產限額定於公共租住房屋申請水平的「全面經濟狀況審查」；及原住戶及分拆戶均須符合「住宅物業權審查」的規定。