同泳兒摸酒杯底鍾舒漫爆曾飲醉反白眼

2020-04-19 16:51

因為疫情關係，很多人都留在家中抗疫，煮飯、做運動。日前鍾舒漫（Sherman）到泳兒（Vincy）家中作客齊齊玩煮飯仔，煮完飯仔後更摸吓酒杯底。

原來小時候兩人都唔飲酒，因為從小便覺得飲酒就是壞事，Vincy表示，她爸爸的概念是不可以喝酒，就算到現在也是這麼說。當然長大後便覺得喝點酒的確可以放鬆心情，Sherman坦言有段時間，每次工作回到家後都會喝點紅酒，每次都會喝掉大半枝；Vincy便分享剛入行的一個醉酒經歷，「去一個party，第一次飲Bailey，嘩！呢枝酒咁好飲嘅！有酒又有朱古力mocha味，嗰晚飲咗好多飲到嘔，諗起都想嘔。」醉酒的她會精力過剩，不停撩人哋玩撩到人哋覺得好煩，同埋會企喺個馬桶上唱歌。

Sherman自爆愛令烈酒
Sherman除了紅酒，還喜歡喝茅台：「好好味㗎！」Vincy聽到後十分驚訝，Sherman解釋：「茅台係一啖一啖少少咁飲，你會飲到嗰種好味，落到喉嚨會有一種舒服嘅感覺；有一期我會飲Whisky，我鍾意飲烈酒。」Sherman又說到外地的斷片經歷，「有一次同Ken（洪卓立）、Vincy、洪杰去加拿大旅行，有一晚去咗朋友屋企燒嘢食，屋主介紹咗一枝whisky，好好飲，我就係咁飲，飲到係咁大笑、亂講嘢。直到第二朝斷片。之後佢哋send咗我一張好核突嘅相出group，係我飲醉酒擘大個口、瞇埋眼反白眼咁瞓。Ken、Vincy同洪杰拎呢張相笑到我今日，張相佢哋仲執過，叫『R.I.P.』。」

兩杯到肚後開始放鬆，Sherman突然問Vincy：「妳幾時結婚？」Vincy先打了個突，然後急中生智邊舉一杯邊說：「我哋下次再傾過！」十分搞笑。