網民紛紛問婚期　張寶兒晒性感透視婚紗照

張寶兒（Bowie）最近於「升級版」《姊妹淘》升呢做Stylist，向絲打傳授Set頭、化妝和服飾Mix&Match的心得，私下她都變咗半個「潮流KOL」，頻頻於IG貼出Fashion造型照，繼日前在遊艇上，拍攝了一輯白色Deep V晚裝照後，今日Bowie又上載兩張婚紗照。相中，穿上吊帶透視款婚紗的她，內搭一套白色Vintage比堅尼，在陽光的照射下，其一雙長腿若隱若現地從輕輕的薄紗中透出，非常性感！

Bowie又寫道：「𝑳𝒆𝒕 𝒕𝒉𝒆 𝒆𝒍𝒆𝒈𝒂𝒏𝒄𝒆 𝒃𝒆 𝒔𝒂𝒔𝒔𝒚 𝑨𝒏𝒅 𝒕𝒉𝒆 𝒈𝒓𝒂𝒏𝒅𝒏𝒆𝒔𝒔 𝒃𝒆 𝒐𝒖𝒕𝒓𝒂𝒈𝒆𝒐𝒖𝒔.」即係噏乜？唔重要啦！事關一眾網民都好緊張，紛紛問「女神」係咪Pre-wedding shooting？唔通今次嚟真？其實Bowie和袁偉豪拍拖3年，屢傳婚訊，早前更聯名購下7,000萬的清水灣豪宅築愛巢，估計婚期都不遠矣，難怪都有網友追問：「你幾時着件真婚紗？」