黃貫中同個女搶住食 朱茵開心介紹愛心煎豬扒

朱茵同黃貫中結婚8年，有個7歲囡囡黃鶯。因為疫情影響，本來經常要返內地工作嘅朱茵多咗留喺香港，最開心梗係個女，可以成日黐住媽媽。

尋晚，黃太貼咗張鮮茄洋蔥煎豬扒嘅相去社交平台，Caption係「老公和女兒搶著吃，看得我笑呵呵，無論多辛苦也值得。」好簡單，即係朱茵煮嘅鮮茄洋蔥煎豬扒得到老公黃貫中同囡囡黃鶯嘅欣賞，兩人爭住食，朱茵看在眼裡就笑得好開心，所以幾辛苦都值得。朱茵都幾易滿足，咁做人幾開心吖。