新歌MV夥拍陳漢娜 馮允謙嗌緊張

馮允謙（Jay）新歌《地球來的人》MV比前作《開始倒數》更科幻更多特技，扮演未來世界人類的Jay沒機會穿太空人裝演出，令他大感可惜。他解釋：「開會時聽到導演講話有太空船，我又做一個未來人類，當然好興奮啦，心諗咁大個仔都未做過太空人，有得試吓都唔錯，殊不知原來2030年後嘅人，可能已經唔需要再著啲厚重太空衣喺太空生活，係好似我身上呢一套咁，線條好簡單嘅套裝。」

Jay續謂今次是一個愛情故事，故找來靚女又好戲的陳漢娜（Hana）當女主角，令他緊張。「不過Hana好投入好好人，事前準備時會溝通好，等我知道佢會點樣演繹，令我都好易就融入晒個角色。」Hana則透露當中一場喊戲：「唔係真係要喊出嚟，只不過鏡頭會見到地球上好多人被吸走消失，當中有BB仔，你面對呢個情景會有一份無力感，所以會好傷心好難過。」