人生首次口罩生日會 馮允謙以掌風吹蠟蠋

唱作歌手馮允謙（Jay）昨日（2月22日）32歲生日，經理人林珊珊為Jay準備最喜歡的蛋糕，並約好公司一班同事送Jay一個驚喜生日會，當Jay踏入會議室一刻，發現開會同事比平日多時，更赫然發現枱上放有大大的生日蛋糕及寫滿祝福語句的生日卡，同事知道他看不懂中文，就畫上滿滿的心心以表心意。
因為抗疫關係，林珊珊特別叮囑Jay出外記得戴口罩，所以Jay吹蠟燭時也特別地以掌風配合來成事。Jay開心說：「好多謝大家咁細心畀我一個驚喜，雖然係生日，但好開心可以同大家一齊開會，傾我今年嘅新計劃，今日大家一齊聽我嘅demo，然後揀我今年第一首製作嘅歌，其實咩味嘅蛋糕我都鍾意食，因為我好為食，好鍾意食甜品。」

Jay透露每一年家人都會在21號晚上搭正12點，就為他獻上生日蛋糕，因為每年如是，所以沒太大驚喜，「但對我來講就好sweet，因為無論幾忙佢哋都會抽時間陪我一齊過，所以我好感恩。」
說到生日願望，Jay正經說：「希望今年可以寫更多好聽嘅歌，因為啱啱呢張唱片《DETOUR》每隻歌無論曲、詞及編曲，我都覺得好好聽，所以希望今年可以出多啲好歌，同埋做多啲live表演，唱歌畀大家聽。」