【夫妻相】張振朗「變性」同女友撞樣　楊偲泳出海晒32D激凸水着照

擁32D激凸身材的楊偲泳（Renci）平日於社交網分享的靚相都是密密實實居多，非常錫身，不過昨日出海玩Wakesurf的她，晚上忽然「賣大包」於IG大晒低胸泳衣照。相中，坐在甲板上的Renci瞇晒眼享受日光浴，雖然個身向後挨，但仍輕輕露出事業線，仲晒出腰間的型格紋身，非常性感！除了男友張振朗即按讚外，一眾網民睇到亦紛紛派Like，受寵若驚的Renci就留言笑謂：「你們的大力讚賞是因為太愛我了嗎？」

至於張振朗有冇同行去滑水就唔知，但昨日他就好得閒，不停Po自己用「變性App」化成女人的照片，仲代入「女版張振朗」留言：「過嚟，俾我保護你」、「可否緊緊抱實我？」、「今天返工好攰唷....肚仔餓餓唷～有冇人呵呵me喔～ 我叫Jessica #最後一擊定大家想我唔好停 #我發覺我followers真係跌咗 #但多咗男fans #第四張好似大小姐」，瘋狂程度連李佳芯都睇到差點爆粗：「What the...」，姚子羚、蔣家旻、謝東閔等就笑言想摏他，胡定欣也慰問：「你無事呀嘛？工作壓力太大？」與此同時，都要好多圈中人及網民讚張振朗靚女，仲同衛詩雅、容祖兒、陳法拉等撞樣，不過最搞笑係朱千雪留言：「omg 第一張相我以為係你post你女朋友」，張振朗回覆：「咁佢靚好多。」唔知Renci有咩感想呢？