【機場特警】楊明望收視不差《法證IV》 張振朗籲觀眾唔好罷睇

楊明、張振朗、蔡思貝、湯洛雯等全副武裝亮相，為下周一開播的無綫劇集《機場特警》宣傳，會上播出拍攝時片花，楊明、張振朗、蔡思貝、鄧佩儀等，都為著飾演機場特警進行不同程度訓練，男演員更練出一身肌肉，相當養眼。

問現在對比劇中身形可感到慚愧？張振朗說：「拍嘅時候大家都黑黑實實又乾身，我比較瘦，楊明就好睇啲，見佢日日帶飯開工，都係見佢食烚雞胸。」楊明笑說：「因為拍呢套劇知道肌肉寶貴，依家我搵咗啲嘢包實佢！」問女友莊思明是否較喜歡他滿身肌肉？楊明笑就：「點樣都咁鍾意我！」

對緊接《法證先鋒IV》播出可感收視壓力？楊明說：「希望收視可以差唔多，希望多啲觀眾睇，大家都用咗好多心血練。」談到警民關係持續緊張，亦有網民發起罷睇，張振朗說：「唔好啦！都睇下啦，我哋落咗好多心血，由夏天日曬雨淋到冬天得10度跑山，都想多啲觀眾睇。」