【好招積】首揸電單車拍劇 張振朗大膽載張曦雯衝入人群

今日，TVB新劇《踩過界II》到上水河上鄉拍攝外景，劇情講述「盲俠」王浩信身陷險境，張振朗駕著電單車載住張曦雯衝入人群拯救。張振朗透露考電單車牌成功後首次拍劇時親身上陣，笑言終於成就解鎖。

今日拍攝蔡思貝帶住朱智賢入鄉公所避險，留下「盲俠」王浩信面對大批起哄鄉民。緊急關頭時，幸得張振朗駕電單車載住張曦雯衝入人群拯救。張振朗揸住電單車表現得揮灑自如，更載張曦雯到公共洗手間，表現相當招積。張振朗笑說：「難度一次比一次高，由拍第一集載住王浩信係用車架拍，之後拍幾套劇都仲係用替身，到今日終於都成就解鎖。」問到王浩信可有信心坐電單車尾？他笑說：「都有信心嘅，頭先見佢都有板有眼，振朗做嘢好穩陣。」

此外，提到《踩II》原訂到緬甸拍攝外景，但因疫情關係已取消，談到是否因此延長了拍攝時間到5月。王浩信說：「原定都係拍攝到4月，而家都係延長咗少少。（緬甸戲份點安排？）劇情去大澳都適合，拍出嚟嘅效果應該唔會影響可觀性。」談到未能出發到緬甸可有感可惜，王浩信說：「其實對演員嚟講去邊度拍都一樣，都係做返自己角色。公司都係保障大家安全，怕去到或者返嚟要隔離，變相嘥咗時間，」張振朗笑說：「我哋一齊拍嘢好開心，去邊都好，最緊要啲人腳靚。」