黎明即席清唱《帶你老竇入廚房》鐵三角再合作

黎明（Leon）在社交網站上載影片宣傳新歌《顧家》，今次更請來為新歌填詞的黃偉文（Wyman）分享合作點滴，Wyman透露二人已合作過二三十首歌，笑言當年有一首《帶你老竇入廚房》十分流行。
Leon即謂這歌是其經典作《情深說話未曾講》的另一填詞版本：「有一次同Wyman做電台訪問時，唔知點解事後傳出咁嘅歌詞出嚟。」黎明即席賣靚聲清唱了幾句「帶你老竇入廚房 我餵佢食橡皮糖 原來棚牙爛晒」，續說：「我相信由嗰時開始，佢雖然改一份咁得意嘅歌詞，同原創嘅唔同，好多都發現，Wyman嘅天賦裏面存在好多唔同嘅資訊。」
至於新歌監製雷頌德，他透露今次與Leon合作新歌，希望主題是男人愛一個女人不應該只靠講，應該是要行動。