【好可愛呀】狂錫一歲生日細仔肉緊胡杏兒夫婦搞到稚子黑面

2020-06-22 09:00

胡杏兒的細仔李奕霖（Ryan）昨日1歲生日，杏兒與老公李乘德為囝囝舉行了一個生日會，杏兒為兩個寶貝仔悉心打扮，大仔李奕霆（Brendan）化身最愛嘅鐵甲奇俠(Iron Man)，Ryan扮蜘蛛俠，而訂製嘅蜘蛛俠及蝙蝠俠立體蛋糕就相當精緻。

可愛的Ryan塊面肥嘟嘟，夫婦二人親吻壽星仔，錫得非常肉緊，被錫到面型扭曲嘅Ryan一臉唔情願扁晒嘴，十分搞笑，一家四口的全家福中，哥哥李奕霆笑到見牙唔見眼。杏兒開心地留言：「今日是個很特別的日子，Ryan的一歲生日，Daddy第一次和兩個小朋友過父親節，Brendan可以跟他最喜愛的Iron Man玩，在Cafe內和很多小朋友一齊玩，食了好多啫喱，感恩身邊有朋友，家人，多謝今天來慶祝的朋友，祝大家父親節快樂！」