唔見孻仔老竇張栢芝同鬍鬚勇撐枱腳食中菜過節

2020-06-22 11:00

話時話，張栢芝老竇「鬍鬚勇」好耐冇「蒲頭」，平日活躍社交網嘅張栢芝，上載嘅相片都係以日常生活點滴，開心分享三個寶貝仔動態為主。不過，趁昨日父親節，栢芝爸爸「鬍鬚勇」竟然罕有地現身，久未露面的「鬍鬚勇」精神不錯，父親節仲去咗酒樓食大餐，食得津津有味。但孻仔「小王子」張禮承嘅生父就繼續隱形。

傳栢芝近日劈價至1.4億，成功售出中半山世紀大廈豪宅，帳面獲利約1,200萬元。另外，她又創立自家時裝品牌，吸金力強，生活無憂。昨日她喺IG時限動態中放咗多段家務日短片，包括喺屋企泳池旁晾衫、晾被單，還介紹陪伴咗兒子10年嘅馬騮布公仔。之後就跟男神爸爸「鬍鬚勇」去傳統酒樓食飯慶祝，見枱面有節瓜粉絲煲、豬紅、燒味拼盤、西蘭花帶子、螺頭雞腳湯渣等，相信係「鬍鬚勇」最愛餸菜，有愛女相伴，他食得十分開懷，戴住太陽眼鏡的「鬍鬚勇」保養得宜，片中大大隻，好精神。栢芝借用電影鍾無艷劇情對白，留言：「女兒會用盡一切的承諾保守直到永遠，父親節快樂#鍾無艷」，「食得是福，父親節快樂，祝天下所有父親身體健康最緊要#天下所有父親#男神#時尚爸爸」網民大讚栢芝很孝順，讚她會很有福氣。