【撞樣】疫情下變身廚神餵飽老公楊千嬅身形暴脹激似幸福麥潔文

2020-06-22 09:30

向來注重健康嘅楊千嬅和吳君如，原來喺父親節下午結伴去咗郊外行山，期間仲機會難得見到日偏食，千嬅即時影相留念。而兩人足跡被Fans Amy Wong野山捕獲。雖然千嬅同君如都冇化妝，加上疫情下要保持社交距離，但仍樂意被拉住合照。Amy大讚兩人冇架子好nice，既漂亮而且好瘦，喜歡她們的電影和唱歌...將繼續成為兩人嘅粉絲。

不過，喺疫情下，千嬅大部份時間留喺屋企抗疫，變身廚神，天天煲湯水、整曲奇餅、蘋果批、蛋糕等美食餵飽老公丁子高及囝囝Torres，自然出現幸福肥。見一身行山裝束，以真面目示人的千嬅，明顯身形暴脹咗唔少，加上素顏look，驟眼睇有啲似65歲嘅麥潔文喎！好彩Kit Man都係幸福師奶，仲係唱得之人，又有老公江華愛錫，其實似佢都唔錯啫。