孖Twins關智斌視像兩粒鐘 容祖兒：佢哋終於自我隔離完畢

Twins蔡卓妍（阿Sa）、鍾欣潼（阿嬌），與關智斌（Kenny）於上月24日由馬來西亞工作返港，各自歸家進行14日檢疫隔離，今日終於完成。
阿Sa今日在社交網貼上與阿嬌、Kenny聯同容祖兒和鄭希怡5人在隔離最後一日一起視像照，在這兩小時內他們一齊運動、傾偈、食飯，不過阿Sa爆Kenny有點支持不了，還有Kenny悶到「放蚊」照。由於6格圖填不滿，網民提議下次找來張敬軒填補這格。
阿Sa留言：「非正式研究發現 男人真係冇咁鍾意煲電話粥 #點解我哋成日都有咁多嘢傾 #話題源源不絕 #講咗差唔多兩個鐘 #關斌有啲頂唔順 #最尾出現咗 #老人與貓嘅畫面 #阿嬌個老細QQ #我老細嚦咕 #阿祖變咗長頸鹿 #瓊姐去咗湊女 #究竟關斌同邊個傾緊偈？」

祖兒則謂：「尋（噚）日我地（哋）就咁傾左（咗）兩個幾鐘 一齊做運動一齊拉筋一齊傾心事一齊食飯 有一位等極個焗豬扒飯都唔到好可憐 有一位好健康咁不停飲水 有一位不停執相傾番舊屎 有一位不停跳舞娛斌（真係得最欣賞） 最後有一位中途加入 最後因為有人Wi-Fi收得太差無故斷線」，祖兒繼而祝賀3人：「今日佢哋終於自我隔離完畢啦 但係仍然可以繼續好似同學仔咁樣傾偈 I X u all #selfquarantine #自得其樂 #阿斌啲筋好緊」。